مرض نفسي ؟

قريت بـ منتدى عن "سلوكيات" البنات وكاتب الموضوع مصنفها على انها امراض نفسيه منتشره بمجتمع البنات

واستدل بسلوكيات البنات في عالمهم الخاص

بعد ما انهيت الموضوع قلت وااااااو يعني كل البنات نفسي

فيه تصرفات وعادات كنت اسويها "بعالمي الخاص" وكنت اتوقع بس انا اللي اسويها بس طلعت منتشره عند اغلب البنات

طبعا تناقشت مع رفيجاتي في هـ الموضوع واللي كان اغلبنا يعتبرها خط احمر ما نحب نقحم غيرنا فيه لانه يعتبر متنفس لنا من الضغوطات

وسمعت منهم العجب :D

طبعا ببتدي بنفسي

لما كنت صغيره كان عندي عالمي الخاص

وعندي اهل

طبعا غير اهلي الصجيين :D

يعني بـ خيالي كان فيه ناس

زوج وزوجته وبنتهم وولدهم

واستمروا معاي لي وقت قريب بس الحين مادري وينهم الظاهر ماتوا من الوحده لول

كانت لهم اساميهم وحياتهم وعالمهم

كنت اخطط لهم حياتهم

يوم اعيشهم بسعاده ويوم بضيقه

ممكن اعتبر هـ الشي محاولة هروب من احباطاتي والضغوطات

مع اني كنت صغيره بس حتى الطفل يحبط

على الرغم من بساطة احتياجاته واهتماماته

يعني لما اكون ابي "لعبه" معينه وما احصلها لأي سبب كان

كنت اعوض هـ الشي بعالمي الثاني .. يعني اخطط ان الام شرت للبنت اللعبه واستانست فيها وطبعا كل هذا يصير بحوار انا اصيغه بـ خيالي

وفيه شي ثاني

اللي اغلب البنات اتفقوا عليه

"الكلام مع النفس"

ايه اكلم نفسي ولي هـ الوقت

اكتشتف ان كل البنات يكلمون نفسهم وابدا ابدا ما اعتبر هالشي "مشكله نفسيه" بالعكس هذا متنفس بحكم ان البنت عااااطفيه وتحتاج تنفس عن مشكلاتها واحباطاتها وضغوطاتها حتى لو مع نفسها

واثبت علميا فايدة هـ الشي وبالعكس الشخص "الكتوم" حتى مع نفسه مع كثرة الضغوطات راح يواجه مشاكل نفسيه

انا لي هـ الوقت وانا اكلم نفسي "ومستانسه؟" .. وازفني واشجعني

يعني لو حطيت نفسي بـ موقف مو حلو ممكن ادخل غرفتي واطالع المنظره واقول

صاحيه انتي ؟؟ ليش تسوين جذي !! لي متى وانا اعلمج ها ؟؟

:D

ادري ممكن تستغربون بس هذا واقع اغلب البنات

وممكن اشجع نفسي بعد

عفيه ع الشيخه واللللللللللللله احبج وممكن ابوسني بعد :D

علاقة البنت بالمنظره علاقه قويه ما هي بس "شكليه" انا اشوف ان البنت مرتبطه عاطفيا مع المنظره :D

لا بجد اشوف ان المنظره المتنفس الافضل للبنت سواء بالشكل والا بالعواطف

ايه ومرت علي فتره كنت كل يوم قبل لا اطلع الصبح لازم اشوف نفسي بالمنظره وابتسم لي واقول صباح الخير

ولو يوم نسيت ممكن ينقلب يومي كله @@

وبعد وبعد

ايه..

انا احس ان الجماد يحس @@

اذكر اذا صادف يمي جيس بالسياره والا بالبيت وفيه اغراض كنت احس فيهم

يعني اقول يااا حرام الحين بردانين واروح اسكر عليهم الجيس عدل

والا يا حرام حر عليهم وافتح الجيس عشان انسم عليهم

والحين اذا شفت هدومي بالكبت متلاصقين اقول حراااام متضايقين من الزحمه واباعد بينهم عشان ما يحسون بالزحمه @@

وبما اني انسانه عجااااااااازه طلعت بطريقه حيل تريحني

مثلا لما ابي شي معين واهو بيني وبينه متر والا مترين بس انا مالي خلق اقوم واجيبه

يعني لو اشوف بيبسي على الطاوله وانا حدددددددي مشتهيته بس ما فيني اقوم

اجيبه بعيوني :D

وارتاح واحس خلاص انا شربته وانتعشت

اذكر مره كنت قاعده مع امي بالصاله وكان فيه صحن على الطاوله

وقالت لي جيبي الصحن وانا ما كان لي خلق اقوم بصراحه

فـ جبته بعيوني :D

امي: وين الصحن؟؟

انا: كاهو يمه

ماما: وين ؟؟

انا: كاهو يمه شفيج وااشر لها

ماما: صاحيه؟؟

انا: ها شوفي جبته واجيبه لها بعيوني لووول

طبعا الحركه اني اثبت عيوني عليه بعدين احرك عيوني على الطريج اللي لازم امشي عليه لما المكان المفترض واحطه

طبعا احطه برمشه من عيوني لوول

ووقتها امي كانت تبي تطقني بأكبر ما عندها بس ربي ستر

و الخيال عندي واسع

اتوقع عند اغلب البنات

وما يجيني الخيال الا وانا بالسياره

يعني اكثر من مره اتخيل ان الاشاره الحين بتقوم وتمشي واتخيل شكلها واهي تمشي واضحـــــــك لول

واتخيل النخله تلفح

واتخيل القمر له عيوني ويطالعني @@

وبما ان عندي هوس الكتب

دايم احس ان الكتب لها عيون @@

وهـ الشي بعد داخل باحساسي بالجماد

يعني لما اروح المكتبه احس كل الكتب تطالعني وتقول بليــــز انا

يعني اعتبر المكتبه سجن وانا اللي اخلصهم

يمكن عشان جذي صار عندي هوس شراء الكتب ؟ لول

مره بالجمعيه فتحت ثلاجة البيبسي وخذيت لي واحد

شوي ورديته حسيت يااا حرام اني خذيته من اهله @@

واخذت واحد ثاني وهم رديته

جد وربي @@ حاولت ادور واحد يتيم بس ما لقيت لول

عندي اشيا كثيره بعالمي الثاني

بس الحين تعبت

And I Have 2 Go

eLYoum WeekEnd...

: )